1 мамырда Astana bike маусымы ашылады
Astana bike Нұр-Сұлтан қаласының тұрғындары мен қонақтары үшін велосипедті автоматты түрде жалға беру жүйесінің 6-шы маусымын іске қосады.
16:32 27.04.2019
Мәліметке сәйкес, жаңа маусымға қосымша тарифтік жоспарлар әзірленген. Атап айтқанда, қала тұрғындары 1 айлық абонементті - 2 500, 3 айлықты - 6 мың және бір жылдықты - 10 мың теңгеге сатып ала алады. Сонымен қатар, SMS арқылы велосипедті пайдалану тарифтері мынадай сомада өзгерген: 1 күнге - 3 500 теңге, 3 күнге - 9 мың теңге, 7 күнге - 17 500 теңге, деп хабарлайды ҚазАқпарат.
«Карта тарифтерінің икемді жүйесі қала тұрғындарына белгілі бір айға ғана абонемент сатып алуға мүмкіндік береді. Ал SMS бойынша тарифтер Нұр-Сұлтан қаласына конференцияларға, көрмелерге немесе демалу мақсатымен қысқа ғана уақытқа келетін адамдарға ыңғайлы болмақ»,- деді «VVVelocity.kz» қоғамдық қорының атқарушы директоры Алмагүл Қасымова.
Айта кетерлігі, Astana bike карталарын Қорғалжын тасжолы бойында орналасқан Keruen City сауда ойын-сауық орталығындағы сату бөлімінен алуға болады. Ол күн сайын таңертеңгі 10-нан кешкі 9-ға дейін жұмыс істейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
