Қазақстан халқы Ассамблеясы: Назарбаев жаңа орынбасарларын тағайындады
Елордада Қазақстан халқы Ассамблеясының XXVII сессиясы өтті.
16:47 29.04.2019
Қазақстанның тұңғыш президенті – Елбасы, Қазақстан халқы Ассамблеясының төрағасы Нұрсұлтан Назарбаев Ассамблея төрағасының орынбасарларын тағайындады. Қазақстан халқы Ассамблеясының XXVII сессиясында Назарбаев Ассамблея төрағасының екі орынбасарын тағайындады.
"Биыл Ассамблея кеңесі бұл лауазымдарға ҚХА мүшесі, "Вайнах" шешен-ингуш мәдени орталығының мүшесі, кәсіби медиатор Юсуп Келигов пен Нұр-Сұлтан қаласының "Өзбек этномәдени орталығы" қоғамдық бірлестігінің төрағасы, ҚХА мүшесі Шерзод Пулатовты тағайындау туралы ұсыныс енгізді", - деді Назарбаев ҚХА сессиясында.
Назарбаев екі орынбасарының да белсенді әрі жемісті қызметімен көзге түскенін атап өтіп, Ассамблея оларды жақсы танитынын айтты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
