Ақтау тұрғыны екі әйелге шабуыл жасап, біреуін өлтірді
Қайғылы оқиға 5-шағын аудандағы 28-ші үйде болған.
01:19 30.04.2019
Ер жігіт екі әйелге шабуыл жасап, біреуін жаралады. Ал екінші әйел алған жарақатынан көз жұмды. Қайғылы оқиға сәуірдің 28-нен 29-на қараған түні болған. Куәгерлердің айтуынша, күдікті мұндай қылмысты бірінші рет жасамаған. Оқиға Ақтаудың 5-ші ауданындағы 28-ші үйде болған.
"Ол мұндай қылмысты бұған дейін де жасаған болатын. Менің білуімше, күдікті осыған дейін адам өлтіргені үшін жазасын өтеген. Бұл пәтерден үнемі айқай-шу еститінбіз. Олар бір-бірімен жиі төбелесіп, жанжалдасатын. Талай рет арыз да жаздық. Бірақ бұл фактіге ешкім тиісті деңгейде көңіл аударған жоқ", - дейді қала тұрғыны.
Жергілікті полиция оқиғаға қатысты әлі түсініктеме берген жоқ.
Дереккөз: sputniknews.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
