Алматыда автобус еденін тесіп өткен люк жолаушының аяғын сындырды
Алматыда автобустың еденін тесіп кеткен арық қақпағы жолаушы әйелдің аяғын жарақаттады.
13:50 02.05.2019
Жол-көлік оқиғасы бүгін таңертең Халиулин көшесінің бойында болған. № 65 бағытында жүретін автобус осы көшенің бойымен батыс бағытта кетіп бара жатқан. Шығыс айналма жолын өтіп, жол шетіндегі люкті басып кеткен.
Люк ұшып кетіп, автобустың еденін тесіп өткен. Оқиға салдарынан жолаушы әйел аяғын сындырып, Алматы облыстық көпсалалы ауруханасына жеткізілді. Аяғы сынған әйел травматология бөлімшесіне жатқызылды. Оқыс оқиғаның себебін анықтаумен қалалық Полиция департаменті айналысып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
