Мексикада ұшақ апаты болып, 14 адам көз жұмды

Мексикада әуе апаты болып, 14 адам мерт болды. Bombardier Challenger 601 жекеменшік ұшағы Лас-Вегастен Монтеррейге ұшып келе жатқанда апатқа ұшыраған. Оқиға орнын тексерген құтқарушылар 14 адамның мүрдесін тапты, деп жазады stan.kz. 

Ұшақ Мексикадағы Коауила штатының Монклова муниципалитетінің аумағында табылыпты. Көз жұмғандардың қатарында экипаждың 3 мүшесі мен 11 жолаушы бар. Белгілісі, қайтыс болғандар Лас-Вегастегі бокс кешін тамашалап қайтып келе жатқан.

Еске сала кетейік, Мурманскіге бағыт алған SSJ-100 жолаушылар ұшағы  Шереметьево әуежайына апаттық жағдайда қонған сәтте отқа оранғанын жазған болатынбыз.
 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!