Ақтөбеде жаяу жүргіншіні қағып, қашып кеткен жүргізуші іздестіріліп жатыр
6 мамыр күні кешке Ақтөбе-Орынбор тас жолында қара түсті Toyota Land Cruiser-100 автокөлігі 41 жастағы ер адамды қағып, қашып кеткен.
16:33 07.05.2019
Полиция департаментінің мәліметінше, оқиға кешкі сағат 21:10 шамасында болған. Жаяу жүргіншілер жолағынан өтіп бара жатқан 1978 жылғы ер адамды Toyota Land Cruiser-100 көлігі қағып кеткен. Түрлі дене жарақатын алған ол жақын маңдағы ауруxанаға жеткізілген.
Полицейлер қандай да бір ақпарат білетін куәгерлерге 8 (7132) 936-403, 936-408, 8 705-735-38-33 немесе 8 775 149-93-59 нөмірлеріне xабарласуды сұрайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
