Полицейлер әке-шешесін азаптап өлтірген қаскөйді қолға түсірді
Молдовадағы Сынджерей қаласының тұрғыны полицияға хабарласып, інісінің ата-анасын өлтіремін сес көрсеткенін айтқан.
09:36 08.05.2019
Тәртіп сақшылары оқиға орнына келгенде 78 және 79 жастағы қариялардың жансыз денесін тапты. Пышақ іздері мен бас сүйегінің зақымдануы олардың азаптап өлтірілгенін көрсеткен. Күдікті оқиға орнынан қашып кетіпті. Алайда полицейлер оны қалалық саябақтан тапты. Қолында пышақ ұстап отырған, деп хабарлайды Молдованың Сынджерей қаласы полициясының баспасөз қызметі.
Тәртіп сақшылары көзден жас шығаратын газ қолданып, қаскөйді қолға түсірді. Оның қалтасынан қомақты қаражат табылған. Ол шетелге жұмысқа кетуді жоспарлапты. 78 сағаттан соң, күдікті өз кінәсін мойындаған. Алайда қылмыс себебіне қатысты түсініктемесі бір-біріне қайшы келеді. Полицейлер қылмыстық кодекстің "Адам өлтіру" бабы бойынша қылмыстық іс қозғалған.
Дереккөз: sputniknews.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
