Тоқаев Отан қорғаушылар монументіне гүл шоғын қойды
Бүгін Қазақстан Президенті Қасым-Жомарт Тоқаев Ұлы жеңістің 74 жылдығына орай елордадағы "Отан қорғаушылар" монументіне даңқ гүлін қою рәсіміне қатысты.
11:00 09.05.2019
Жиналғандар соғыста қаза тапқандарды бір минут үнсіздікпен еске алды. Даңқ гүлін қою рәсімінен кейін Мемлекет басшысы шараға арнайы келген соғыс және тыл ардагерлерімен әңгімелесті.
Рәсімге Отан соғысының ардагерлері мен тыл еңбеккерлері қатысты. Бұған қоса премьер-министр Асқар Мамин, Сенат спикері Дариға Назарбаева, Мәжіліс төрағасы Нұрлан Нығматулин, Президент әкімшілігінің басшысы Бақытжан Сағынтаев, Ұлттық қауіпсіздік комитетінің төрағасы Кәрім Мәсімов, елорда әкімі Бақыт Сұлтанов, депутаттар, елшілер мен басқа да лауазымды тұлғалар қатысты.
Атап өтсек, бүгін Қасым-Жомарт Тоқаев қазақстандықтарды Жеңіс күнімен құттықтаған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
