Ақмола облысы әкімінің орынбасары жол апатынан көз жұмды

Облыстық Полиция департаментінің баспасөз қызметінен мәлім еткендей, жол апаты бейсенбі, 9 мамыр күні сағат 18:30-да Көкшетаудан үш километр жерде болған.  «Петропавл-Астана» автожолында 1974 жылы туған Көкшетау тұрғынының басқаруындағы джип жол жиегінде тұрған жұмыс істемейтін асфальт төсегіш машинаға соғылған. Рульде Ақмола облысы әкімінің орынбасары Жомарт Нұркенов болған. Ол алған жарақатынан оқиға орнында көз жұмды.

ҚР ҚК-нің 345-бабы 3-бөлігі бойынша (Адам өліміне әкеп соқтырған Жол жүру ережесін бұзу) сотқа дейінгі өндіріс қозғалды. Сот-медициналық сараптама тағайындалды.

Жомарт Нұркенов 1974  жылдың 3 сәуірінде Целиноградта туған. Ақмола аграрлық университеті мен Ш. Уәлиханов атындағы Көкшетау мемлекеттік университетін бітірген. Еңбек жолын 1996 жылы мал дәрігері болып бастады. Ақмола облысындағы Атбасар және Аршалы аудандарының әкімі болды. 2017 жылдың басында Ауыл шаруашылығы ветеринарлық бақылау және қадағалау комитетіне басшылыққа келді, бір айдан кейін бас мемлекеттік ветеринарлық-санитарлық инспектор болды. 2019 жылдың 10 сәуірінде Ақмола облысы әкімінің ауыл шаруашылығы мәселелері жөніндегі орынбасары қызметіне тағайындалған.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!