Нысана көздеуден Қазақстан командасы Германияда 5 медаль жеңіп алды
Бұл күндері Германияның Ганновер қаласында нысана көздеуден халықаралық турнир өтуде.
10:41 10.05.2019
Алғашқы жарыс күнінде қазақстандықтар бес медаль жеңіп алды деп хабарлайды Olympic.kz. Тапаншамен 50 метрге атуда Владимир Исаченко үздік үштікке енді. Юрий Юрков 50 метрге винтовкамен нысана көздеуде жүлделі екінші орынға иелік етті. Жасөспірімдер командасы үш медаль жеңіп алды. 10 метрге тапаншамен атудан Ярослав Махнев, тез ататын қарумен 25 метрді көздеуден Никита Чирюкин күміс жүлдегер атанды.
Эльдар Иманқұлов, Никита Чирюкин және Ярослав Махнев үштігі командалық жарыста екінші орынға тұрақтады. Еске сала кетейік, нысана көздеуден Қазақстан командасы мамырдың ортасында Мюнхендегі лицензиялық әлем кубогі кезеңіне қатысады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
