Талдықорған дүкендерінің бірінде сүттің орнына су сатқан
Талдықорған қаласындағы дүкенде сүттің орнына тетрапакетте су сатқан.
08:00 14.05.2019
Елімізде ірі супермаркет желісіндегі тосын оқиға тұтынушылардың наразылығын тудырды. Әлеуметтік желіде тараған бейнежазбада жұмсақ қаптамадағы сүттен кәдімгі қара су шығып, жұртты дүрліктірген.
Бейнежазбада бірнеше жұмсақ қаптаманы қатар ашқан қызметкердің ыдысқа сүт емес, су құйып жатқаны анық көрінеді. Оқиғаға қатысты жауап берген супермаркет тарапы, мұны тұтынушылар шағымданып келгенде бір-ақ байқадық дейді. Болжам бойынша әуесқой түсірілім Талдықорған қаласында жазылған.
Ал, сүт зауытының өкілдері сол аралықтағы топтама сатылымнан түгел алынғанын айтады. Бірақ, өндірушілер судың қайдан пайда болғанын түсіндіре алмай, бар кінәні техникалық ақауға аударып отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
