Отандық парадзюдошы әлемдік турнирдің қола жүлдегері атанды
Әзербайжан астанасы Бакуде өтіп жатқан парадзюдодан Әлемдік Гран При турнирінде қазақстандық спортшы Олжас Оразалы қола жүлдегер атанды, деп хабарлады Қазақстандағы спортты дамыту дирекциясының баспасөз қызметі.
18:31 14.05.2019
60 келіге дейінгі салмақта сынға түскен Әлем чемпионы Олжас жарыс барысында 5 кездесу өткізіп, оның 4-еуінде жеңіске жетті. Жарыс нәтижесі бойынша әзербайжандық Ширинли Вугар жарыс жеңімпазы атанса, Бельгия спортшысы Алекс Болога екінші орынға табан тіреді.
Байрақты бәсекеде 35 мемлекеттің балуандары 2020 жылы Токиода өтетін параолимпиада ойындарына жолдама ұпайларын сарапқа салуда. 12-15 мамыр аралығында өтіп жатқан додада ел намысын 4 салмақ дәрежесінде жеті спортшы қорғауда.
Дереккөз: baq.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
