Елордада жүк көлігі мен микроавтобус соқтығысып, 11 адам зардап шекті
Жексенбі күні Нұр-Сұлтанда Тілендиев көшесінде автокөлік пен шағын автобус жол апатына ұшырады.
08:20 20.05.2019
Жүк көлігінің жүргізушісі шағын автобусты соққан. Апат салдарынан шағын автобустың он бір жолаушысы зардап шекті, олардың екеуі ауруханаға жатқызылды.
Бұл туралы Нұр-Сұлтан қалалық Полиция департаментінің баспасөз хатшысы София Қылышбекова айтты. Оның айтуынша, жол апаты фактісі бойынша сотқа дейінгі тергеу амалдары жүргізіліп жатыр. Қажетті сараптамалар тағайындалған.
Айта кетейік, елордада тағы бір жол-көлік апаты болды, Абылайхан даңғылы бойында «Nissan XTrail» маркалы көлігі «Lifan Х50» автомашинасына соқтығысты. Оқиға орнында бір адам көз жұмып, тағы 4 адам дене жарақаттарын алды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
