Мадияр Әшкеев америкалықты жеңіп, тұңғыш рет титул иегері атанды
Жеңілмеген қазақстандық боксшы Мадияр Әшкеев бірінші орта салмақта WBC белбеулерінің жүйесіне енетін NABF Junior чемпионы титулын иеленді.
09:27 24.05.2019
Мадияр Әшкеев америкалықты жеңіп, мансабындағы алғашқы титулына қол жеткізді. Әшкеевтің қарсыласы америкалық Сесил Маккалла болған. Жекпе-жек АҚШ-тың Тусон қаласындағы (Аризона штаты) бокс кешінде өтті.
Бірінші орта салмақ санатында өткен он раундтық жекпе-жекте төрешілер жеңісті бірауыздан Мадиярға берді. Осылайша, қазақстандық боксшы кәсіпқой бокстағы алғашқы титулы Junior NABF белдігіне ие болды. Әшкеев осымен кәсіпқой бокстағы 11 жекпе-жегінде 11-жеңіске қол жеткізді, соның алтауы - нокаут. Ал 21 жеңісі бар (8 нокаут) Маккалла төртінші рет жеңілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
