Жолаушылар пойызы өртеніп кетті
Бейсенбі күні Болгария астанасы Софиядан Горна Оряховица қаласына бара жатқан жолаушылар пойызы елдің солтүстік-батысындағы Роман қаласының маңында өртенді.
09:54 24.05.2019
Бұл туралы ХАА Nova TV телеарнасы хабарлайды. Алдын ала деректерге қарағанда, локомотивте жергілікті уақытпен 20:00 шамасында өрт тұтанған. Машинистер шұғыл түрде пойызды тоқтатып, отты сөндіруге кіріскен.
300-ге жуық жолаушының барлығы эвакуацияланды. Абырой болғанда ешкім зардап шекпеген. Оқыс оқиғаның егжей-тегжейі тексеріліп жатыр.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
