Қарағандылық полицей «Париж Гран-приін» жеңіп алды
Осакаров ауданының учаскелік инспекторы Бейімбет Қанжанов Франциядағы беделді турнирде бірінші орын алды.
10:05 29.05.2019
Халықаралық турнир Францияда 19-шы рет өтті. Жарысқа 32 клуб пен 12 елден 133 спортшы қатысып, бақтарын сынады. Бейімбет Қанжанов 62 кг салмақ дәрежесінде үздік атанды.
Ол ҚР ІІМ саласында қызмет етеді. 28 жастағы Бейімбет Қарағанды облысы Шет ауданы Ақсу-Аюлы кентінде дүниеге келген. Самбо күресімен балалық шағынан бері айналысып келеді. Қазір ол ҚР халықаралық дәрежедегі спорт шебері, ұлттық құраманың мүшесі болып табылады. Жастар арасында самбодан Азия және әлем чемпионы (2011 ж.), Қазан қаласында өткен универсиаданың күміс жүлдегері (2013 ж.). Әлем біріншіліктерінің чемпионы және күміс жүлдегері, Әлем кубогы кезеңдерінің бірнеше дүркін жеңімпазы.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
