ШҚО-да 16 жыл бойы іздеуде жүрген қылмыскер ұсталды
Шығыс Қазақстан облысында 16 жыл бұрын қылмыс жасаған күдікті Алматыда қолға түсті.
10:19 31.05.2019
Оқиға 2003 жылы болған. Үш ер адам жүргізушіге шабуылдап, жүк көлігін айдап алып кеткен. Келтірілген залал мөлшрі екі миллион теңгені құрайды. Үш қарақшының екеуі сол жылы қамауға алынды.
Ал енді біреуі полициядан 16 жыл бойы жасырынып жүрген екен. Полицейлер 9 жыл бойы оның кім екенін анықтай алмаған. Тек 2012 жылы оның аты-жөні нақты анықталып, іздеу салынған.
«Қылмыскерді семейлік сақшылар Алматыдан ұстады. Қазір сондағы уақытша қамау изоляторында», - делінген облыстық полиция департаменті таратқан ақпаратта.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
