Әлемдегі ең бай әнші анықталды
Forbes нұқасы бойынша 31 жастағы танымал әнші Рианна ең бай әнші деп танылды.
11:41 05.06.2019
Басылымның мәліметінше, әншінің дәулеті 600 миллион долларға бағаланып отыр. Рианна 570 миллион доллары бар Мадоннаны, 450 миллион доллар тапқан Селин Дион мен 400 миллион доллар кіріс келтірген Бейонсені басып озды.
Рианна байлығының негізгі бөлігін люкс тауарлар нарығындағы басты ойыншы - LVMH Moet Hennessy Louis Vuitton компаниясының халықаралық тобымен серіктестігінің арқасында тапқан. Fenty Beauty алғашқы бірнеше аптаның ішінде сату көлемін 100 миллион долларға ұлғайтты, бұған Рианнаның танымалдылығы мен Instagram-дағы 71 миллион жазылушысы көмектесті.
Сән үйі алғашқы бірнеше апталарда барлық тауарды сатып үлгерген. Ал өткен жылы Fenty Beauty косметикалық брендінің табысы 570 миллион долларды құрады. Бұл кәсіпке 15 ай бұрын келген сән үйі үшін жақсы көрсеткіш еді. Форбстың мәліметінше, LVMH компаниясы табыстың 50 пайызын, ал Рианна 15 пайызын иеленіп отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
