Шымкенттегі жарылыстан зардап шеккен жігіт қайтыс болды
11 маусым күні Шымкенттегі жанармай бекетінде болған жарылыстан денесінің 98 пайызы күйген 20 жастағы жігіт қайтыс болды.
15:23 12.06.2019
Бұл туралы Т.Орынбаев атындағы жоғары қысымды оксигенация орталығының мамандары мәлімдеді.
«Зардап шеккен азамат 18:10-де қайтыс болды. Жалыннан жігіттің бетін, мойнын, қолдарының жоғарғы және төменгі жақтарын 3-ші және 4-ші дәрежелі термиялық күйік шалған. Ол жасанды тыныс алу аппаратында жатты. Жарақаты ауыр болатын. Барлық қажетті көмек толық көлемде қамтамасыз етілгенімен, өмірін сақтап қалу мүмкін болмады», - деді Мәдина Ермаханбетова.
Еске сала кетейік, 7 маусым күні Жібек жолы даңғылындағы жанармай бекеттерінің бірінде газ жарылып, ер адам ауыр жағдайда ауруханаға жеткізілген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
