Жамбыл облысында бас дәрігер парамен ұсталды
Ұлттық бюроның Жамбыл облысы бойынша департаментінің қызметкерлері Жамбыл облысындағы аудандардың бірінің орталық ауруханасының бас дәрігерін пара алды деген күдікпен ұстады.
12:49 19.06.2019
Бұл туралы ҚР Сыбайлас жемқорлыққа қарсы іс-қимыл агенттігінің баспасөз қызметі хабарлайды.
«Ол балаларды тамақтандыру бойынша мемлекеттік сатып алу келісімі негізінде атқарылған жұмыстардың құжатына қол қою жолымен жеке компанияның өкілінен 800 мың теңге көлемінде пара алды деген күдікке ілінді», - делінген агенттіктің хабарламасында.
Тергеу жалғасуда. Күдіктінің ісіне қатысты шешімді сот анықтайтын болады.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
