Әділбек Мусин АҚШ-тағы халықаралық турнирде алтын алды
АҚШ-та өткен жүзуден CA Dolfin Fran Crippen SMOC халықаралық турнирінің соңғы жарыс күнінде қазақстандық спортшылар тағы үш медаль жеңіп алды.
13:02 24.06.2019
Әділбек Мусин 50 метрге баттерфляй әдісімен жүзуден топ жарды. Ол аталған қашықтықты 23.76 секундта жүзіп өткен. Баттерфляй әдісімен 100 метрге жүзуде Мусин 52.42 секундты көрсетіп, Қазақстан рекордын жаңартты. Ал финалдық бәсекеде күміс жүлдеге қол жеткізді.
Брасс әдісімен 100 метрге жүзуден Дмитрий Баландин күміс жүлдегер атанды. Баландиннің көрсеткіші – 1.00.12. Әділ Қасқабай шалқалай жүзуден бесінші орынға табан тіреді. Айта кетелік, Дмитрий Баландин, Әділбек Мусин және Әділ Қасқабай Қазақстан ҰОК бастамасымен АҚШ-та жаттығуда. Спортшылар әйгілі маман Дэйв Салоның жетекшілігімен дайындалып жатыр.
Дереккөз: olympic.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
