Қазақстанда жаңа баспананың бағасы қымбаттады
Қазақстанда 2019 жылдың маусым айында жаңа баспананың шаршы метрінің бағасы орта есеппен 282 мың 530 теңгені құрап, өткен айдағы көрсеткіштен 0,1%-ға артты.
15:50 10.07.2019
Баспана бағасы 2018 жылдың желтоқсанымен салыстырғанда 2,4%-ға, былтырғы қаңтар-маусым айларымен салыстырғанда 3,1% өскен, деп хабарлайды ҚР Ұлттық экономика министрлігінің Статистика комитеті.
Қайта сатылатын абаттандырылған баспананың 1 шаршы метрі маусым айында орташа 193 мың 188 теңге (мамыр айымен салыстырғанда 0,5%, 2018 жылдың желтоқсанымен салыстырғанда 2,4%, 2019 жылдың қаңтар-мамыр айларында былтырғы жылдың осы кезеңімен салыстырғанда 2,9% өскен), абаттандырылмаған баспана құны 120 мың 419 теңге (+0,6%, +1,8% және +2,9%) болды.
Жалға берілетін абаттандырылған баспананың 1 шаршы метрінің бағасы өткен айда орташа 1 436 теңгені құрады (+0,3%, +2,6% және +7,5%).
Дереккөз:ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
