Таразда 10 жасар қыз терезеден құлап кетті
Облыс орталығында қайғылы оқиға орын алды.
09:46 11.07.2019
«9 шілде күні күндізгі сағат 14:30-да «Қаратау» мөлтек ауданында оқыс оқиға болды. Үйде үлкендердің бақылауынсыз қалып қойған он жасар қыз бала көпқабатты үйдің екінші қабатындағы терезеден құлап кеткен», - деп хабарлады ведомстводан.
Жеткіншек ауыр жарақаттармен Тараз қаласындағы облыстық балалар ауруханасына жеткізілді. Дәрігерлердің айтуынша, қыздың сүйектері бірнеше жерінен сынған. Жамбыл облыстық ТЖД ата-аналарға барынша мұқият болып, балаларды көзден таса қылмау керектігін ескертеді. Әсіресе қазіргі жазғы демалыс кезінде балалар көп жағдайда үйде ересектердің қарауынсыз, өздері ғана қалады.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
