Қостанайда жасөспірімнің үстіне қақпа құлады
Қостанайда 16 жастағы баланың үстіне футбол қақпасының құлау фактісі бойынша сотқа дейінгі тергеу жүріп жатыр.
15:49 12.07.2019
Қостанайда қалалық полиция басқармасына кәмелеттік жасқа толмаған баланың үстіне футбол қақпасының құлау фактісі тіркелді. Қазіргі уақытта ҚР Қылмыстық кодексінің 371-бабы 2-бөлігі «Немқұрайлылық» фактісі бойынша сотқа дейінгі тергеу жұмыстары жүргізіліп жатыр» деп хабарлады полицияның баспасөз қызметінен. Қажетті тергеу шаралары кешені жүргізілуде.
Облыстық денсаулық сақтау басқармасында хабарлағандай, зардап шегушіні Нұр-Сұлтанға жеткізу туралы шешім қабылданған. Дүйсенбі күні оны санавиациямен Ана мен бала орталығына жеткізеді. Дәрігерлер оның жағдайын ауыр деп бағалап отыр. Бала жасанды жолмен тыныс алып жатыр.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
