Қостанайда жантүршігерлік жол апаты болды: қаза тапқандар бар
Жол апаты салдарынан екі адам қаза болып, үш адам ауруханада жатыр.
12:06 24.07.2019
Қостанай-Сарыкөл жолында жантүршігерлік жол апаты болып, екі адам қаза тапты. Жол апаты 23 шілдеде сағат 18.00 кезінде Қостанай-Сарыкөл жолының 10 шақырымында болған. Қостанайға бара жатқан "Фольксваген Гольф" көлігінің 65 жастағы жүргізушісі жолдың қарсы бетіне шығып кетіп, "Мазда" көлігімен соқтығысады.
Жол апаты салдарынан 53 жастағы "Мазда" жүргізушісі сол жерде жан тапсырады. Қостанай-Сарыкөл жолында болған жантүршігерлік жол апатынан екі адам қаза тапты. "Мазда" ішінде отырған 4 жолаушы түрлі жарақатпен облыстық ауруханаға жеткізілді. Олардың біреуі - 41 жастағы әйел ауруханада көз жұмды.
Бұл факті бойынша тергеу жұмыстары басталды. "Фольксваген Гольф" көлігінің жүргізушісі рөлде ұйықтап кетті деген болжам айтылуда.
Дереккөз: sputniknews.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
