Ақтауда 5 жасар қызды зорламақ болған ер адам ұсталды
Полиция қызметкерлері 28-ші ықшамауданда 5 жасар қызға тиіскен ер адамды қолға түсірді.
12:37 24.07.2019
20 шілдеде 32 үйдің жанындағы ойын алаңында ойнап жүрген қызға ер кісі тиісе бастаған. Мұны көрген басқа балалар қыздың үйіне жүгіріп барып, әкесіне хабарлаған.
"Ер адамды мейрамхананың жанында ұстады. Сол сәтте полиция қызметкерлері жетті", — дейді куәгерлер.
Маңғыстау полиция осындай оқиғаның орын алғанын растады.
"Қазіргі уақытта қаскүнем тергеу изоляторында. Тергеу жұмыстары жүріп жатыр", — деп хабарлады Маңғыстау облысындағы полиция қызметкерлері.
Әзірге қыздың қазіргі жағдайы туралы мәлімет жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
