Қазақ балуаны кадеттер арасында әлем чемпионы атанды
Болгарияның София қаласында өтіп жатқан кадеттер арасындағы әлем чемпионатында қазақстандық Саматбек Ізімғали алтын жүлдегер атанды.
12:43 05.08.2019
29 шілде – 4 тамыз күндері аралығында өткен байрақты бәсекеде грек-рим күресінен 45 келі салмақ дәрежесінде белдескен Саматбек Ізімғали қарсылас шақ келтірмеді. Алғашқы айналымда отандасымыз Еуропа чемпионы, әзербайжан балуаны Фарид Садихлиді 15:4 есебімен тас-талқан етіп, артынша үнді спортшысы Харштан (9:0) айласын асырды. Жартылай финалда иран балуаны Махди Ахади Зенабаны (7:0) жеңіп, aл финалда өзбекстандық қарсыласы Асадбек Бахромовты 4:0 есебімен мерзімінен бұрын жеңді.
Бұған дейін Саматбек Ізімғали Нұр-Сұлтан қаласында өткен Азия чемпионатында топ жарған еді. Осылайша әлем чемпионатында грек-рим шеберлері үш жүлде алды. Ербол Камалиев пен Мақсат Сайлау үздік үштіктен көрінген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
