Биылғы шілде айы ең ыстық температураның рекордын орнатты

2019 жылдың басында NASA агенттігі мен Бүкіләлемдік метеорологиялық станциясы соңғы төрт жыл адамзат тарихындағы ең ыстығы болды деп баға берді. Еуропа ғарыш агенттігінің мәліметінше, жердің орташа температурасы жыл өткен сайын жоғарылап келеді. Ал 2019 жылдың шілде айының алғашқы күндері ЕҒА бақылау жүргізген уақыттан бері ең жоғарғы орташа температураны көрсеткен.

Бұған дейін ең ыстық шілде 2016 жылы тіркеліпті. Ол кездегі астап ыстыққа Тынық мұхитының экватор жағындағы судың жоғарғы қабатындағы темперетураның өзгерісі (эль-ниньо құбылысы) әсер еткен еді. Биылғы шіліңгір шілдедегі ауа температурасы 2016 жылғы көрсеткіштен 0,56 градусқа жоғары болған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!