Сағадат Рахманқұлов мексикалық қарсыласын нокаутқа жіберді
Мексиканың Тихуана қаласында қазақстандық кәсіпқой боксшы Сағадат Рахманқұловтың (5-1, 3 КО) қатысуымен жекпе-жек кеші өтті.
08:34 11.08.2019
Top Rank-тағы боксшымыз кәсіпқой рингте 42 рет жеңіске жеткен мексикалықты нокаутқа түсірді. Оның қарсыласы – 43 жастағы тәжірибелі спортшы Косме Ривера (42-28-3, 29 КО). Жартылай орта салмақтағы сегіз раундтық айқас бесінші раундта Рахманқұловтың жеңісімен аяқталды. Ол бесінші раундта Ривереге бірнеше ауыр соққы жасады. Бұдан кейін рефери жекпе-жекті тоқтатуға мәжбүр болды.
Осылайша, С.Рахманқұлов профи-рингтегі алтыншы жеңісіне қол жеткізді. Оның төртеуін нокатупен аяқтаған. Ал Ривера үшін бұл - мансабындағы 29-ыншы жеңіліс.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
