Атамбаевтың үйінен қару-жарақтар тәркіленді
Қырғызстанның бұрынғы президенті Алмазбек Атамбаевтың үйінен атыс қаруы мен оқ-дәрінің 11 түрі тәркіленді.
14:40 11.08.2019
8 тамыз күні құқық қорғау органдарының қызметкерлері саясаткердің Кой-Таш ауылындағы үйінен Драгунов снайперлік винтовкасын, Симонов өздігінен зарядталатын карабинін, "Капрал" тапаншасын, GM-100 маркалы екі тапанша, "Сайга" карабині, ТОЗ қосауыз мылтығы, Fabarm, Zoli және Progress қаруларын тапты, деп хабарлайды Қырғызстанның ішкі істер министрлігі.
Одан бөлек, ІІМ қызметкерлері экс-президенттің адамдары арнайы жасақ сарбаздарынан тартып алған резеңке оқтармен атылатын мылтықтарын тапқан.
Еске сала кетейік, Қырғызстанның бұрынғы президенті 8 тамызда арнайы операция кезінде ұсталды. 26 тамызға дейін тергеу абақтысында қамауда болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
