Тайфуннан қаза тапқандар саны 43-ке жетті
Қытайдың шығысында "Лекима" супер тайфуны салдарынан қаза болғандардың саны 43 адамға жетті, тағы 17 адам хабар-ошарсыз кетті.
13:13 12.08.2019
Бұған дейін 32 адам қайтыс болып, 16 адам хабар-ошарсыз кеткені туралы хабарланған болатын.
"Сағат 12.10-дағы (Нұр-Сұлтан уақытымен 10.10) ақпарат бойынша, Чжэцзян провинциясында "Лекима" тайфуны салдарынан 38 адам қайтыс болып, тағы 10 адам хабар-ошарсыз кетті", - деп хабарлады.
Апат аймағында барлығы 1,65 миллионнан аса адам қалды, билік 180 мыңнан астамын эвакуациялады. Тайфун 175 мың гектар ауыл шаруашылығына арналған жерді жойып, 600-ден астам ғимаратты қиратты.
Еске салсақ, Қытайдағы осы жылдың тоғызыншы тайфуны 10 тамызда Чжэцзян провинциясының Вэньлин қалалық уезінің жағалауына жетті. Салдарынан Қытай шығысынан миллиондаған адам эвакуацияланды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
