Жамбылда бір қора мал өртеніп кетті
Жамбыл облысы Жамбыл ауданында жеке шаруа қожалықтың қорасы өртеніп, 90 бас мал жанып кетті.
14:44 12.08.2019
Оқыс оқиға 11 тамыз күні болған. Бұл туралы облыстық Төтенше жағдайлар департаментінің баспасөз қызметі мәлімдеді.
«Сағат түнгі 23:46-да Жамбыл ауданы, Қоңыртөбе ауылының шетінде «Ғалымжан» шаруа қожалығы аумағында шаруашылық құрылыстары мен шөп қорасы отқа оранды. Соның салдарынан 200 тонна шөп өртеніп және 90 бас мал жанып кетті. Оның 67-сі сиыр, 5-уі жылқы және 18-і қой», - делінген хабарламада.
Қазіргі таңда өрттің себебі анықталып жатыр. Өрт сағат 03:34-те оқшауланып, сағат 07:04-те сөндірілген. Сөндіру жұмыстарына 37 қызметкер және 8 техника жұмылдырылған.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
