Астана су арнасының бұрынғы бас директоры 7 жылға сотталды
ҚР Сыбайлас жемқорлыққа қарсы іс-қимыл агенттігінің Нұр-Сұлтан қалалық департаменті «Астана су арнасы» РМК бұрынғы бас директоры В.Досаевқа қатысты сотқа дейінгі тергеу шараларын мерзімінен бұрын аяқтады.
13:10 15.08.2019
Жемқорлыққа қарсы қызмет таратқан мәліметтерге қарағанда, Досаев мемлекеттік коммуналдық кәсіпорынның бас директоры болып жұмыс істеп жүрген кезінде қарамағандағы қызметкер арқылы «Технополисжилстрой» ЖШС-нің басшысынан «Жас отбасы-2» тұрғын үй кешенінен 3 бөлмелі пәтер және 60 мың доллар көлеміндегі параны жылжымайтын мүлікті ЖШС-ге беру қосымша келісімшартын жасағаны үшін алған.
14 тамызда Нұр-Сұлтан қаласындағы қылмыстық істер жөніндегі мамандандырылған ауданаралық сот үкім шығарып, Досаевты 7 жылға соттады. Ол жазасын төмен деңгейдегі қауіпсіздік мекемесінде өтейді. Сондай-ақ Досаев өмір бойына мемлекеттік қызметте еңбек ету құқығынан айырылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
