Қарағандыда автобус есігі әйелдің басына құлап кетті
20 тамызда Абай ауданы Топар ауылының 56 жастағы тұрғыны автобусқа мініп бара жатып басын жарақаттаған.
08:12 23.08.2019
Әйел адамның басына автобус есігі құлап кеткен. Металл есік басына тиген кезде Татьяна Мисак артқа қарай құлаған. Куәгерлер мен рейс автобусының жүргізушісі айналасына жинала қалған. Зардап шеккен әйел ауруханаға жеткізілді.
Соққының салдарынан зардап шеккен әйелдің басында гематома пайда болған. Басында басы айналып, жүрегі айныған. Қазір әйел адамның жағдайы жақсырақ, бірақ ауруханадан шығуға әлі ерте. Татьянаның айтуынша, дәрігерлер жабық бассүйек-ми жарақаты диагнозын қойған. Зардап шеккен әйел Татьяна Мисак қоғамдық көліктің техникалық ахуалына наразылық білдірді.
«Қарағандыға қатынайтын автобустың есігі кезек күтіп тұрған адамдардың үстіне құлады. Мен ең алдында тұрғам, үлкен темір есік менің басыма құлады. Миым шайқалды, мені ауруханаға жеткізді. Егер менің орнымда жас бала болса, қайғымен аяқталар еді, кім біледі?!», - дейді Татьяна Мисак. Автобус тиесілі автопарк өкілдері оқиғаның егжей-тегжейін анықтап жатқанын білдірді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
