Тауға шыққан туристерге жай түсіп, бірнешеуі ажал құшты
Польшаның оңтүстігіндегі Гевонт тау алабында бір топ туристі найзағай соғып, бірнешеуі ажал құшты.
09:19 23.08.2019
Тағы ондаған адам жараланған. Зардап шеккендердің нақты саны әзірге белгісіз. Әдетте, күн күркіреген кезде Гевонтта болу аса қауіпті. Өйткені онда орнатылған ескерткіш металл крест найзағайды өзіне тартады.
Бейсенбі күні таңы мезгілде мұнда күн ашық болған. Ешкім аяқ астынан бұлт түнеріп, найзағай жарқылдайтындығын білмеген де. Сондықтан бір топ турист тауға аттанған. Гевонт – 2,7 шақырымға созылып жатқан тау алабы, Вельки Гевонт деп аталатын шыңының биіктігі 1894 метр.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
