Елордада ашулы клиент 3 шаштаразға бір-бірінің шашын тықырлап алғыздырды
Желіде үш шаштараздың бір-бірінің шашын алған видеосы таралып жатыр.
20:12 02.09.2019
Шаштаразға көңілі толмаған клиент оларды қорқытып, шашын алғызды. Кейін ер адамның таяқ жеген күйінде кешірім сұраған видеосы пайда болды, деп хабарлайды Stan.kz ақпарат агенттігі. Видео @jexennews Telegram каналында жарияланды.
Ер адам бейәдеп сөздерді қолданады және соңында жігіттерден қатысушылардың оған қарсы шағымдары бар-жоғын сұрайды. Олар «жоқ» деп жауап береді. Екінші видеода ер адам жасаған әрекеті үшін кешірім сұрайды.
«Мен балалардың шашын алдырғаным үшін кешірім сұраймын. Мен үлкен қателік жібердім. Бұл қайталанбайды», - деді ол.
«Әлеуметтік желіде бейнеролик таралды. Нұр-Сұлтан қаласында клиент пен шаштараздардың арасында жанжал болған. Қазіргі уақытта жанжалдың барлық қатысушылары анықталды, сотқа дейінгі тергеу жүргізілуде», - деді Нұр-Сұлтан қаласының ПД баспасөз қызметі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
