БҚО-да колледж ғимараты опырылып түсті
Бәйтерек ауданында колледж ғимараты құлап қалды.
09:45 03.09.2019
БҚО ТЖ департаментінің баспасөз қызметінен түскен мәліметке қарағанда, оқиға 2 қыркүйек түскі уақыт шамасында Калинин ауылы Киров көшесі 19-мекенжайында болған. Бұл туралы Батыс Қазақстан облыстық төтенше жағдайлар департаменті хабарлаған болатын. Зеленов колледжінің 1980 жылы салынып, тозған үш қабатты №5 корпусының бір бөлігі опырылып құлаған. Оның аумағы 80 шаршы метрді құрады.
«Құрылысконсалтинг» ұлттық орталығы сарапшы комиссиясының 2015 жылғы 28 тамыздағы №41 қорытындысына сәйкес аталған ғимарат апатты жағдайда деп танылып, онда оқу тоқтатылған болатын. Зардап шеккендер жоқ. Ғимаратты бөлшектеу үшін жобалық-сметалық құжаттарды дайындау жұмыстары жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
