Адамжегіш каннибал ауруханада аспаз болып жұмыс істеп жүр

46 жастағы Грэм Фишер жазасын Британияның ең күзетілетін психикалық ауруханаларының бірі Бродмур ауруханасында жазасын өтеуде. Бұл Ұлыбританиядағы ең қатаң бақылаудағы аурухананың бірі. Онда кісі өлтірушілер, лаңкестер және басқа да қылмыскерлер жатады. Жақында Грэмге науқастарға карри тауық етін, пицца мен печенье пісіруге рұқсат етілді.

«Мен тамақ дайындағанды ​​жақсы көремін. Мен банфиге ұқсас печенье (банан, кілегей, карамель мен қайнатылған қоюландырылған сүт қосылған пирог), імбір және лимон печеньелерін пісіремін. Мен сондай-ақ тауық карриін жасағанды ​​жақсы көремін. Мен үшін қарапайым рецепт - бұл пеште дайындалған ірімшік, қызанақ және пияз қосылған тосттар», - дейді Фишер досына жазған хатында. 

1998 жылдың қаңтарында Фишер 40 жастағы көршісін қылқындырып, оның қолын жеді. Сол айда ол жақын жерде тұратын 75 жастағы әйелді өлтірді, сонымен қатар Чехиядан келген студентті зорлап өлтірді. Қылмыскер 1991 жылы 18 жасында да кісі өлтірген. Фишер 2008 жылы Испаниядан келген студенттерге шабуыл жасағаны үшін бес жыл жазасын өтеп жатқан кезде кінәсін мойындады. 2010 жылы ол кем дегенде 21 жыл мерзімге бас бостандығынан айырылды.

Бродмурда Фишер 134 келіге дейін салмақ қосты. Салмағынан арылу үшін асқазандағы майын қыру қажет болды. Операция құны 15 мың фунт (1,2 миллион рубль) құрады.

Дереккөз: Stan.kz

Бізді Youtubе-та қараңыз! Бізді Facebook-та, Instagram-да, Telegram-да оқыңыз!