Белгілі актриса 80 жасқа қараған шағында қайтыс болды
РКФСР халық әртісі Зинаида Славина 80 жасқа қараған шағында өмірден озды.
08:18 04.09.2019
Бұл туралы "Таганка актерлерінің достастығы" баспасөз қызметі хабарлайды. Зинаида Славина 1940 жылы 6 сәуірде Петергофта дүниеге келді. Ол Щукин атындағы театр училищесін бітірген. Ширек ғасырдай Таганка театрының бетке ұстар актрисасы болды. Осы театр сахнасына алғаш рет Юрий Любимовтың "Добрый человек из Сезуана" спектакліндегі рөлімен шыққан еді.
Ал 1964 жылы Владимир Высоцкиймен бірге шыққаны халықтың мәңгі жадында қалды. 1993 жылы Славина Николай Губенко жетекшілік еткен "Таганка актерлерінің достастығы" қайта құрылған театрының құрамына өтті. Ол 1600-ден астам спектакльде рөл сомдаған.
1965 жылы Зинаида Славина киноға түсе бастады, алғашқы фильмі – "Дорога к морю" картинасы. Сондай-ақ ол "Високосный год", "Салют, Мария!", "Семеные обстоятельства", "Новоселье" фильмдеріндегі рөлімен көпшілікке танымал. 1986 жылы актрисаға РКФСР-ның халық әртісі құрметті атағы берілді.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
