Алматыда базар өртеніп жатыр
Алматыда «Мизам» базарында контейнер өртенді.
14:29 06.09.2019
Металлпластикалық бұйымдар сақталатын бір қабатты қойма өртеніп жатыр. Өрттің жақын орналасқан қойма үй-жайларына өту қаупі бар.
«Жетісу ауданы, Солтүстік айналма жолының бойында орналасқан 78/1 – «Мизам» базарының аумағында контейнер отқа оранды. Өрт сөндіру бригадасы оқиға орнына шықты», - деп хабарлайды ТЖД.
Төтенше жағдайлар департаментінің мәліметінше, бір қабатты қойма жанып жатыр (металл-пластмассадан жасалған бұйымдар сақталған), жақын жердегі қоймаларға өрттің өршу қаупі бар. Қойма 50 шаршы метрді құрайды. Оның қабырғасы кірпіш, шатыры металл. ТЖД 43 қызметкері мен 12 техника жұмылдырылды. Қосымша өрт сөндіру техникасы жіберілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
