Қазақстанның экс-министрінің әкесі қайтыс болды
Әбілфайыз Ыдырысов 89 жасында өмірден өтті.
12:04 13.09.2019
Белгілі жазушы, журналист, Қазақстанның еңбек сіңірген қайраткері Әбілфайыз Ыдырысов дүниеден өтті, деп хабарлайды Sputnik. Суыт хабарды Қазақстан сыртқы істер министрлігінің баспасөз қызметі растады.
Әбілфайыз Ыдырысов 1930 жылы 23 ақпанда Қостанай облысы Амангелді ауданындағы Егіндісай ауылында туған. Белгілі жазушы, журналист, педагог, тарих ғылымдарының кандидаты. Қазақстанның еңбек сіңірген мәдениет қайраткері. Ұзақ жылдар әл-Фараби атындағы ҚазҰУ-де қызмет еткен.
800-ден астам еңбектің авторы. "Айжанның ғашығы", "Берік", "Аңсаған менің әнімсің", "Ақсүйек", "Кер бұзаудың өлімі" повестерін, "Таңшолпан" романын жазған.
Әбілфайыз Ыдырысов – Қазақстанның Ұлыбританиядағы елшісі, бұрынғы сыртқы істер министрі Ерлан Ыдырысовтың әкесі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
