БҚО-да үй өртеніп, бір адам көз жұмды
Батыс Қазақстан облысында тұрғын үйде өрт болып, бір адам қаза тапты.
08:07 16.09.2019
БҚО ТЖ департаментінің баспасөз қызметінен түскен мәліметке қарағанда, оқиға бүгін түнде сағат 01.27-де Теректі ауданы Покатилов ауылында орын алды. Абай көшесіндегі тұрғын үйде болған өрт аумағы 48 шаршы метрді қамтыды.
Оқиға орнынан 1975 жылғы әйелдің мүрдесі табылды. Өрт сөндіруге 4 адам 1 техникамен барды. «Тілсіз жау» сағат 02.42-де құрықталды. Қазіргі кезде өрттің шығу себебі, үйдің иесі, келтірілген шығын, кінәлі адамдар анықталу үстінде.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
