Зайсан көлінде жоғалған балықшының денесі табылды
Шығыс Қазақстан облысының Тарбағатай ауданында 1978 жылы туған адамның денесі Зайсан көлінен табылды.
09:49 16.09.2019
Бұл туралы ШҚО төтенше жағдайлар департаментінің баспасөз қызметінің басшысы Анастасия Скляр Facebook-те жазды.
«Тарбағатай ауданында құтқарушылар Зайсан көлінен 1978 жылы туған адамның өлі денесін тапты. Марқұмның денесі Күршім ауданына қарасты Жолнұсқау ауылынан 15 шақырым жерден шыққан. Екі күн бұрын 26 жастағы екінші балықшының денесін ауыл тұрғындары балықшылардың қайығы қалған жердің маңынан тапқан болатын», - деп жазды департамент өкілі.
Еске салсақ, Зайсан көлінде екі балықшы жоғалып кеткен болатын. 41 және 26 жастағы балықшылар 6 қыркүйек күні кеткеннен үйлеріне оралмаған. Олар мінген қайық Зайсан көлінен табылған.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
