Алдағы күндері +35°C дейін ыстық болады
Синоптиктер 17-19 қыркүйек күндеріне арналған ауа райына болжам жасады.
13:34 16.09.2019
Бұл туралы "Қазгидромет" РМК хабарлады. Иран аймағынан келетін жылы ауа массаларының әсерінен республиканың оңтүстігінде жылы және жауын-шашынсыз ауа райы сақталады.
"Күндіз термометрдің сынап бағанасы плюс 25…30°С дейін, кей жерлерде плюс 35°С дейін жоғарылайды. Оңтүстіктен келетін жылу солтүстік өңірлерге де жетеді. Кей жерлерде жаңбыр жаууына қарамастан, жылы болады, күндіз ауа температурасы плюс 20…28°С дейін жоғарылайды", - делінген хабарламада.
Тек батыс облыстарында Ресейдің еуропалық бөлігінен жылжитын атмосфералық фронт ауа температурасының төмендеуіне ықпал етеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
