Қарағандыда түнгі клубта атыс болды
Қарағандының түнгі клубтарының бірінде ер адамдар мылтықтан оқ атқан.
08:19 17.09.2019
Полиция екі қару тәркіледі. 15 қыркүйек күні 102 диспетчер қызметіне Қарағанды қаласының түнгі клубтарының бірінде белгісіз адамдар оқ атқаны туралы хабар келіп түсті. Аталмыш дерек ҚР ҚК 293-бабының 3-бөлігі бойынша тіркелді («бұзақылық»). Қазіргі таңда оқиғаның мән-жайы анықталуда.
«Жедел іздестіру шарасы кезінде полицейлер «BMW X5» көлігін тоқтатқан. Рөлінде 21 жастағы жүргізуші мен 20-40 жас аралығындағы үш жолаушы болған. Автокөліктің салонын тексеру кезінде бір ойық ұңғылы атыс қаруы мен пневматикалық қару табылып, тәркіленді», - делінген Қарағанды облысы Полиция департаментінің баспасөз қызметіндегілер.
Қазіргі уақытта тиісті сараптамалар тағайындалып, оқиғаның мән жайы анықталуда. Тергеу амалдары жүргізілуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
