Бала тууды шектеу бағдарламасын қолға алды
Тәжікстанда тууды шектейді.
09:19 27.09.2019
Елдің денсалық сақтау министрлігі барлық медициналық мекемеге тегін контрацептив береді. Емханаларда тұрғындарға жыныстық қатынас этикасы түсіндіріледі. Мамандар ана денсаулығына ден қояды. Дәрігерлер бала туған соң келесі баланы көтеруге дейін бірнеше жыл демалу керектігін түсіндіреді.
Кедейлік, жұмыссыздық, еңбек миграциясы - Тәжікстандағы демографиялық өсімнің жоғары болуынан туындаған. Дүниежүзілік банк мамандары бұны бірнеше мәрте айтқан. Он жылда халық саны 22 пайызға көбейген.
Мемлекеттік бағдарлама тәжік әйелдеріне тууға тыйым салмайды. Бала туу - әрбір азаматтың құқығы. Кедейшілік пен жұмыссыздықпен басқа органдар күреседі. Дәрігерлер болса ана мен бала денсаулығын күтіп, контрацептивтерді халыққа тегін таратуды, сол арқылы бала тууды жоспарлауды үйретуді көздеп отыр. Дәрігерлер мемлекеттік бағдарлама арқылы үш жылда 450 мың жоспарсыз жүктілікті болдырмауға болады деп есептейді.
Дереккөз: centralasian.org
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
