ШҚО-да екі көлік түгі қалмай жанып кетті
Тарбағатай ауданында жүк көлігінің түгі қалмай өртеніп кетті.
12:54 04.10.2019
Өрт 3-ші қазан күні түстен кейін басталған. 70 километр қашықтықтан өрт сөндірушілер мен арнайы техника келгенше жүк көлігінің түгі қалмай өртеніп кетіпті. Ол аздай жақын маңдағы құрғақ шөптер де отқа оранған. Зардап шеккендер жоқ. Төтенше жағдайлар комитетінің дерегіне сүйенсек, өртті ауыздықтауға 2 техника мен 7 адам жұмылдырылыпты.
Тағы бір оқыс оқиға Өскеменде бүгін таңертеңгі сағат 08:30-дар басталған. Чернов көшесіндегі көп қабатты үйлердің бірінің ауласында тұрған «Hyundai Sonata» маркалы автокөлік жанып кетіпті. Жалын 4 шаршы метрді шарпып өтіпті. Әзірше өрттің шығу себептері анықталып жатыр екен.
Дереккөз: altaynews.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
