Елордада екі автобус соғылып, адамдар зардап шекті
Елордада жолаушылар автобусы аялдамада тұрған балалар автобусына соғылды.
11:48 07.10.2019
Нұр-Сұлтан қалалық полиция департаменті баспасөз қызметінің хабарлауынша, бүгін таңғы сағат 07:24-де Мәңгілік ел даңғылы бойындағы аялдамада №15 бағдардағы автобусы арақашықтықты сақтамай, мектеп автобусымен соқтығысқан.
«Мектеп автобусы аялдамада балаларды күтіп тұрған. Оқыс оқиға болған кезде мектеп автобусының ішінде жолаушылар болмаған», - делінген хабарламада.
Полицейлердің айтуынша, №15 автобустың ішінде 30 адам болған. Оқиға салдарынан оның екеуі жарақат алып, ауруханаға жеткізілді. Қазіргі таңда тәртіп сақшылары оқиғаның мән-жайын анықтап жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
