Павлодарда зейнеткерді көлік қағып өлтірді
Облыстық полиция департаменті өкілдерінің мәліметінше, оқиға 6 қазанда болған.
16:27 07.10.2019
«Оқиға сағат 13:20-да Бектұров көшесі, 16-үйде орналасқан «Сенім» сауда үйінің алдында 71 жастағы жүргізуші басқарған «РАФ 2203» автомашинасы реттелмейтін жаяу жүргінші өткелінде 1948 жылы туған әйелді басып кетті. Әйел ауыр жарақат салдарынан ауруханада көз жұмды», - деп деді Павлодар облыстық полиция департаментінің баспасөз қызметі.
Осы дерек бойынша ҚР Қылмыстық кодексінің 345-бабы 3-бөлігіне сәйкес сотқа дейінгі тергеу шаралары жүріп жатыр. Сот медициналық сараптама тағайындалды. Автокөлік айып тұрағына қойылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
