Шығыс Қазақстанда үш балықшы суға кетті
Шығыс Қазақстанда үш балықшы суға кетіп, көз жұмды.
15:43 08.10.2019
ШҚО ТЖД-ға Ұлан ауданының Қанай ауылында (Жаңа Қанай ауылынан 3 шақырым жерде-авт.) жергілікті тұрғындар судан 1958 жылғы азаматты алып шыққаны туралы хабарлама түсті.
«Егделеу ер адам балық аулап отырған жерінде абайсызда қайықтан құлап, суға батып кеткен. Сондай-ақ, Көкпекті ауданындағы Бұқтырма су қоймасында Құлынжон ауылынан 17 шақырым жерде 1981 және 1983 жылғы екі балықшының суға кеткені белгілі болып отыр. Олар резеңке қайықпен балық аулауға шығып кеткен. Олардың денесі 7 қазанда табылды», - деді ТЖД.
Құтқарушылар балық аулау кезінде азаматтарды абай болуға шақырады.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
